مرتدین پاکستان

پاکستان کی کل آبادی بیس کروڑ ہے۔ بیس کروڑ پاکستانیوں میں سے مسلمان 97 فیصد ھیں اور دیگر اقلیتیں تین  فیصد۔ یعنی مسلمانوں کی تعداد انیس کروڑ چالیس لاکھ ھے اور دیگر مذاھب جن مین عیسائی ، ھندو ، سکھ پارسی، قادیانی وغیرہ شامل ھیں، کی تعداد ساٹھ لاکھ ھے۔

"ان"

کی نظر میں ھم تمام پاکستانی مسلمان مرتد ھوچکے ھیں۔ اور ھمارے خلاف ان پر جہاد فرض ھوچکا ھے۔ھمیں خودکش حملوں میں قتل کرنا ان کی نظر میں عین جہاد اور ثواب کا کام ھے۔ صاف اور واضح الفاظ میں ساٹھ لاکھ اقلیتوں کو چھوڑ کر ھم سب انیس کروڑ چالیس لاکھ ان کےخیال میں واجب القتل ھیں۔ یہ جہاد صرف انیس کروڑ چالیس لاکھ مرتدین کے خلاف ھے۔ باقی سب اقلیتیں بے گناہ ھیں۔

ایک ویڈیو میں ، میں دیکھ رھا تھا جس میں ایک لیڈر ھم سب کو " مرتدین پاکستان" کے نام سے یاد فرما رھا تھا۔ اور خوشخبری دے رھا تھا کہ عنقریب پاکستان میں سے سب مرتدین کا صفایا ھو جائے گا۔ باقی اقلیتیں ان کی نظر میں کفار ھیں اور کفار کے خلاف جہاد فرض نہیں مرتدین کے خلاف جہاد فرض ھے۔

ھادیء برحق صادق عظیم آقا محمد مصطفےٌٰ نے آخری زمانے میں ایک گروہ کے بارے خبردار فرمایا تھا۔
 آپؐ نے فرمایا

"وہ"

1۔ بہت عمدہ قران پڑھنے والے ھونگے۔ (صحیح بخاری جلد دوم صفحہ 624)
2۔ بہت عبات گذار ھونگے ان کی عبادتوں کو دیکھ کر تم اپنی عبادتوں کو حقیر جانو گے۔ (صحیح بخاری جلد اول صفحہ 509)
3۔قران کی طرف بلائیں گے لیکن قران کی کوئی شے ان میں نہیں پاؤ گے۔ (سنن ابی داؤد جلد دوم صفحہ 312)
4۔دین کی باتیں کریں گے لیکن ایمان سے خالی ھونگے۔ (صحیح بخاری جلد دوم صفحہ 1024)
5۔کم عمر اور بے وقوف ھونگے۔ (صحیح بخاری جلد دوم صفحہ 1024)
6۔کفار پر نازل ھونے والی آیات کو مسلمانوں پر چسپاں کریں گے۔ (صحیح بخاری جلد دوم صفحہ 1024)
7۔مسلمانوں پر شرک کا الزام لگائیں گے اور انہیں قتل کریں گے۔ (سورہ اعراف آیت نمبر 175)
8۔بت پرستوں کو چھوڑیں گے اور مسلمانون کو قتل کریں گے۔ (صحیح بخاری جلد اول صفحہ 472)
9۔ان کی آخری جماعت دجال کے ساتھ نکلے گی۔ سنن نسائی جلد دوم صفحہ 174)
10۔ کثرت سے سر منڈائیں گے۔ (صحیح بخاری جلد دوم صفحہ 624)
11۔ آدھی پنڈلیوں تک شلواریں رکھیں گے۔ (صحیح بخاری جلد دوم صفحہ 624)
12۔ اگر میں انہیں پاتا تو قوم عاد ثمود کی طرح قتل کر دیتا۔ صحیح بخیاری جلد اول صفحہ 472)

یہ بدترین مخلوق اور جہنم کے کتے ھونگے۔

ان کی باتیں سن کر اور ان کے اعمال دیکھ کر لگتا ھے کہ یہ گروہ وھی ھے۔